Юхан Густаў Кнут Віксель (шведск.: Johan Gustaf Knut Wicksell, 20 снежня 1851, Стакгольм, Швецыя — 3 мая 1926) — шведскі эканаміст.
Скончыў Упсальскі ўніверсітэт у 1884 годзе.
Заснавальнік т.зв. шведскай школы ў палітэканоміі.
Займаўся праблемамі эканамічнай раўнавагі, грошай, крэдыту, а таксама нормы працэнта. Рух нормы працэнта звязваў з інвестыцыйным працэсам і ў гэтым пытанні лічыцца папярэднікам Дж. М. Кейнса.
Адзін са стваральнікаў тэорыі эканамічнай раўнавагі ў капіталізме, галоўнай умовай якой лічыў грашовы фактар — роўнасць паміж зберажэннямі і інвестыцыямі.
Паслядоўнік Т. Р. Мальтуса. Лічыў, што колькаснае павелічэнне чалавецтва перашкаджае ўздыму жыццёвага ўзроўню людзей, якія працуюць.
Прафесар універсітэта ў Лундзе ў 1900—1916 гадах.