wd wp Пошук: ⬜

Клод Жазеф Вернэ

У Вікіпедыі ёсць артыкулы пра іншых асоб з прозвішчам Вернэ.

Клод Жазе́ф Вернэ́ (фр.: Claude Joseph Vernet, часта без першага імя — Жазеф Вернэ; 14 жніўня 1714, Авіньён — 3 снежня 1789, Луўр, Парыж) — французскі жывапісец.

Біяграфія

Клод Жазеф Вернэ — французскі жывапісец, бацька мастака Карла Вернэ і дзед мастака Араса Вернэ. Нарадзіўся ў Авіньёне, вучыўся ў Італіі ў Бернардзіна Ферджоні і Адрыен Манглард [2][3][4][5] і стаў адным з самых выбітных пейзажыстаў свайго часу. Пры жыцці праславіўся, галоўным чынам, відарысамі марскіх бур, якія, у прыватнасці, падабаліся расійскаму імператару Паўлу I. У 1754—1762 гадах па заказе караля Людовіка XV напісаў серыю карцін «Порты Францыі» (Парыж, Луўр), стварэнню якіх папярэднічаў шэраг эцюдаў з натуры. Яго вялікія палотны набываліся для ўпрыгожвання палацаў па ўсёй Еўропе, у наш час знаходзяцца ва ўсіх буйных еўрапейскіх музеях. Адна з найбуйнейшых калекцый — у Дзяржаўным Эрмітажы ў Санкт-Пецярбургу. З малюнкаў К. Ж. Вернэ рабіліся гравюры.

Найбольш вядомыя карціны

«Бура ў скалістага берага»;
«Від Неапаля з Везувіем». Палатно, 99 х 197 см. Набыта Луўрам у 1976 г.;
«Від Неапалітанскага заліва», 1748. Палатно, 100 х 198 см;
«Уваход у Палермскі порт пры месяцавым святле»

Зноскі

↑ artist list of the National Museum of Sweden — 2016.
↑ Marina di Anzio (нявызн.) (недаступная спасылка). Accademia di San Luca. Архівавана з першакрыніцы 20 верасня 2015. Праверана 9 October 2020.
↑ Vernet (нявызн.). Treccani. Праверана 9 October 2020.
↑ Greater London Council, Joseph Vernet, Philip Conisbee (1976). Claude-Joseph Vernet, 1714-1789. The Council; University of Michigan. pp. 1728;1739;1747. https://books.google.com/books?id=LzzsAAAAMAAJ&q=claude-joseph+vernet+adrien+manglard.
↑ Silvia Maddalo (1982). Adrien Manglard (1695-1760). Multigrafica; University of Virginia. pp. 20–28. https://books.google.com/books?id=OwxNAAAAYAAJ&q=vernet.

Літаратура

Léon Lagrange. Joseph Vernet et la peinture au XVIIIe siècle — Paris: Librairie academique, 1864.

Спасылкі

На Вікісховішчы ёсць медыяфайлы па тэме Клод Жазеф Вернэ