wd wp Пошук: ⬜

Кацярына Уладзіміраўна Белановіч

У Вікіпедыі ёсць артыкулы пра іншых асоб з прозвішчам Арцюх. У Вікіпедыі ёсць артыкулы пра іншых асоб з прозвішчам Белановіч. Кацярына Уладзіміраўна Белановіч (у дзявоцтве Арцю́х; 14 студзеня 1991, Баранавічы, Брэсцкая вобласць, Беларусь) — беларуская лёгкаатлетка, якая спецыялізуецца ў бегу на 400 м з бар’ерамі. Майстар спорту Беларусі. Чэмпіён Беларусі па лёгкай атлетыцы 2014 года. Чэмпіёнка Беларусі 2016 года на дыстанцыі эстафеце 4×400 метраў.

Біяграфія

У лютым 2010 года БФЛА адхіліла Кацярыну Арцюх ад спаборніцтваў на тры месяцы за ўжыванне кленбутэролу, выяўлена ў пробе, якая была ўзята на юніёрскім чэмпіянаце краіны ў Магілёве.

8 кастрычніка 2010 года Выканкам БФЛА дыскваліфікаваў Кацярыну Арцюх тэрмінам на два гады — з 12 жніўня 2010 года па 12 жніўня 2012 года за парушэнне антыдопінгавых правіл ІААФ. У допінг-пробе, якую яна здала 24 ліпеня пасля выйгранага ёю фінальнага забегу на 400 м з бар’ерамі на юніёрскім чэмпіянаце свету ў Монктане (Канада), былі выяўлены сляды забароненага прэпарата метэналону. Вынік Арцюх 56,16 быў ануляваны, а залаты медаль перададзена расіянцы Веры Рудаковай, якая прыбегла другой з часам 57,16[1].

На Чэмпіянаце Еўропы 2016 года заняла 5 месца ў бегу на 400 метраў з бар’ерамі з вынікам 55.82 сек[2].

На чэмпіянаце Беларусі па лёгкай атлетыцы ў памяшканні на дыстанцыі 400 м метраў паказала другі вынік, саступіўшы толькі вопытнай Ілоне Вусовіч. У складзе каманды Брэсцкай вобласці разам з Вікторыяй Шыманскай, Алесяй Дабравіцкай і Аленай Кіевіч перамагла ў эстафеце 4×400 м[3].

На маладзёжных лёгкаатлетычных спаборніцтвах Drużynowe Mistrzostwa Polski, якія праходзілі ў Варшаве, Кацярына Белановіч у забегу на 400 метраў з бар’ерамі прыйшла другой з вынікам 55,59 секунды, што дазволіла спартсменцы выканаць кваліфікацыйны нарматыў на летнія Алімпійскія гульні 2016 года ў Рыа-дэ-Жанэйра [4].

Дасягненні

Год	Спаборніцтва	Месца правядзення	Месца	Дысцыпліна	Вынік
2009	Чэмпіянат Еўропы сярод юніёраў	Нові-Сад	100 м з бар'ерамі	4 месца	13,71
2009	Чэмпіянат Еўропы сярод юніёраў	Нові-Сад	400 м з бар'ерамі	3 месца	58,09
2010	Чэмпіянат свету сярод юніёраў	Монктан	400 м з бар'ерамі	~~1есца~~	~~56,16~~
2016	Чэмпіянат Еўропы	Амстэрдам	400 м з бар'ерамі	5 месца	56,10

Зноскі

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх
Кацярына Уладзіміраўна Белановіч — профіль IAAF (англ.)