Ката́йскі раён (руск.: Катайский район) — адміністрацыйна-тэрытарыяльная адзінка на паўночна-заходнім ускрайку Курганскай вобласці ў Расіі. Адміністрацыйным цэнтрам з’яўляецца горад Катайск.
Катайскі раён па гадзіннікавай стрэлцы пачынаючы з поўначы мяжуе з Свярдлоўскай вобласцю, а таксама з Далматаўскім, Шчучанскім раёнамі і Чалябінскай вобласцю. Плошча раёна складае 2671,8 км².
Катайскі раён быў утвораны 3 лістапада 1923 года ў адпаведнасці з пастановай УЦВК.
Насельніцтва раёна станам на 2020 год складала 20890 чалавек. Асноўнымі этнічнымі групамі з’яўляюцца рускія, казахі і ўдмурты.