Каспар Баўгін (фр.: Gaspard Bauhin, або фр.: Caspard Bauhin;ням.: Caspar Bauhin, 17 лютага 1560, Базель — 5 снежня 1624, там жа) — швейцарскі анатам і батанік, сістэматык раслін. Адным з першых пачаў выкарыстоўваць у сваіх працах бінарную наменклатуру.
Першым апісаў бульбу, прысвоіў ёй у 1596 годзе ў працы «Theatri botanici» навуковую назву лац.: Solánum tuberósum, якая пазней была запазычана Карлам Лінеем і ўвайшла ў сучасную сістэматыку.