wd wp Пошук: ⬜

Карл Тэадор Эрнст Зібальд

У Вікіпедыі ёсць артыкулы пра іншых асоб з прозвішчам Зібальд.

Карл Тэадор Эрнст фон Зібальд (ням.: Karl Theodor Ernst von Siebold; 16 лютага 1804, Вюрцбург — 7 красавіка 1885, Мюнхен) — германскі фізіёлаг і заолаг.

Вучыўся ў Гётынгене і ў Берліне.

У 1840 годзе Зібальд стаў прафесарам фізіялогіі і параўнальнай анатоміі ў Эрлангене, потым у Фрайбургу і Брэслау, дзе адначасова быў і дырэктарам Фізіялагічнага інстытута.

Для заснавання такога ж Інстытута ён быў запрошаны ў якасці прафесара фізіялогіі і параўнальнай анатоміі ў Мюнхен, дзе пазней стаў прафесарам заалогіі і першым дырэктарам Заалагічна-заатамічнага кабінета.

Зібальд унёс значны ўклад у развіццё заалогіі сваімі даследаваннямі па будове, ладу жыцця і размнажэнню ніжэйшых жывёл.

У 1849 годзе Зібальд пачаў выдаваць у Лейпцыгу разам з Альбертам Келікерам (1817—1905) «Zeitschrift fur wissenschaftliche Zoologie», адзін з лепшых заалагічных часопісаў.

Працы

«Lehrbuch d. vergl. Anatomie d. wirbellosen Thiere» (Берлін, 1848)
«Ueber die Band— und Blassenwurmer» (Лейпцыг, 1854)
«Wahre Parthenogenesis bei Schmetterlingen und Bienen» (Лейпцыг, 1856)
«Beiträge zur Parthenogenesis der Arthropoden» (Лейпцыг, 1871)
«Die Süsswasserfische von Mitteleuropa» (Лейпцыг, 1863)

Зноскі

1 2 Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
1 2 Турынская акадэмія навук — 1757. Праверана 1 снежня 2020.
↑ Carl Theodor Ernst von Siebold // Encyclopædia Britannica Праверана 9 кастрычніка 2017.

Пры напісанні гэтага артыкула выкарыстоўваўся матэрыял з Энцыклапедычнага слоўніка Бракгаўза і Ефрона (1890—1907).