У Вікіпедыі ёсць артыкулы пра іншых асоб з прозвішчам Мілес.
Карл Мілес (шведск.: Carl Emil Wilhelm Milles; сапраўднае прозвішча Андэрсан; 23 чэрвеня 1875, Лага, каля г. Упсала — 19 верасня 1955, Стакгольм) — шведскі скульптар, знакаміты пераважна сваімі фантанамі. Ён быў жанаты з мастачкай Вольгай Мілес, з’яўляўся родным братам скульптара Рут Мілес і зводным братам архітэктара Эверта Мілеса.
Карл Мілес стварыў статую Пасейдона ў Гётэбаргу, статую караля Швецыі Густава I Ваза ў Скандынаўскім музеі, скульптурную групу «Арфей» з вонкавага боку Стакгольмскай Канцэртнай Залы і скульптуру Фольк Фільбютэра ў Лінчэпінгу. Апошні намаляваны на марцы, якая была выпушчаная ў 1975 годзе, ў азнаменаванне стагоддзя майстра. Мілесгардэн стаў яго апошнім домам і ў цяперашні час з’яўляецца музеем.