Карл Карлавіч Клаўс (11(22).1.1796, Тарту — 12(24).3.1864, там жа) — расійскі хімік, член-карэспандэнт Пецярбургскай АН (1861).
З 1839 прафесар хіміі Казанскага ўніверсітэта, з 1852 года прафесар фармацыі Дэрпцкага ўніверсітэта. У 1841 годзе пачаў даследаванні плацінавых металаў. У 1844 годзе адкрыў у рэштках уральскай плацінавай руды новы элемент, які назваў рутэній (ад познелацінскага Ruthenia — Расія). Клаўс атрымаў рутэній ў чыстым выглядзе, вывучыў яго хімічныя ўласцівасці і вызначыў атамную вагу; паказаў на падабенства паміж трыядамі рутэній — родый — паладый і осмій — ірыдый — плаціна. Клаўс вядомы і як даследчык флоры Заволжа і Прыкаспійскіх стэпаў.