Граф Карла Гоцы (італ.: Carlo Gozzi; 13 снежня 1720, Венецыя — 4 красавіка 1806, там жа) — італьянскі пісьменнік і драматург, аўтар казачных п’ес (ф’яб; fiabe), якія выкарыстоўваюць фальклорныя элементы сюжэту і прынцыпы камедыі дэль артэ ў выбары персанажаў-масак. Брат пісьменніка Гаспара Гоцы.
Сваю літаратурную дзейнасць Гоцы пачаў з напісання паэм, якія цалкам адпавядалі стылю Пульчы («Дзівадзейка Марфіза» і інш.) і эсэ, у якіх ён палемізаваў з Гальдоні, які праводзіў у тыя часы тэатральную рэформу.
Ад назвы п’есы Карла Гоцы «Турандот» названы астэроід (530) Турандот, адкрыты ў 1904 годзе нямецкім астраномам Максам Вольфам.