Канстанцін Дзмітрыевіч Бальмонт (руск.: Константи́н Дми́триевич Бальмо́нт[6]; 15 чэрвеня 1867, вёска Гумнішчы, Шуйскі павет, Уладзімірская губерня — 23 снежня 1942, Нуазі-ле-Гран, Францыя) — паэт-сімваліст, перакладчык, эсэіст, адзін з найслынных прадстаўнікоў рускай паэзіі срэбранага веку. Апублікаваў 35 паэтычных зборнікаў, 20 кніг прозы, перакладаў з многіх моў (Уільям Блэйк, Эдгар Алан По, Персі Біш Шэлі, Оскар Уайльд, Герхарт Гаўптман, Шарль Бадлер, Герман Зудэрман; іспанскія песні, славацкі і грузінскі эпас, югаслаўская, балгарская, літоўская, мексіканская, японская паэзія). Аўтар аўтабіяграфічнай прозы, мемуараў, філалагічных трактатаў, гісторыка-літаратурных даследаванняў і крытычных эсэ[7][8].