Канвертоўная марка
Канвертоўная марка (басн.: і харв.: konvertibilna marka, сербск.: конвертибилна марка) — нацыянальная валюта Босніі і Герцагавіны. 1 канвертоўная марка роўная 100 фенінгам (харв.: feninga, сербск.: фенинга).
Усе назвы паходзяць ад назваў нямецкіх грашовых адзінак (маркі і пфеніга адпаведна), да якіх валюта была першапачаткова прывязаная ў суадносінах 1:1. З заменай нямецкай маркі на еўра канвертоўная марка прывязваецца да еўра ў суадносінах 1,95583 маркі да 1 еўра.
Уведзеная ў адпаведнасці з Дэйтанскім пагадненнем, якое паклала канец грамадзянскай вайне.
У двух частках краіны (Баснійская Федэрацыя і Рэспубліка Сербская) выкарыстоўваюцца розныя банкноты (выключэннем з’яўляецца банкнота ў 200 марак), зробленыя ў адным стылі, але з розным дызайнам.
Банкноты
У звароце знаходзяцца банкноты вартасцю 1, 5, 10, 20, 50, 100 і 200 марак.
Манеты
У звароце знаходзяцца манеты вартасцю 5, 10, 20, 50 фенінг, 1, 2 і 5 марак.
На Вікісховішчы ёсць медыяфайлы па тэме Канвертоўная марка
Катэгорыя·Еўрапейскія валюты