.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}
Калон (ісп.: Colón) — востраў у Карыбскім моры, найбуйнейшы ў групе Бокас-дэль-Тора. Уваходзіць у склад Панамы. На востраве Калон знаходзіцца горад Бокас-дэль-Тора, адміністрацыйны цэнтр правінцыі Бокас-дэль-Тора. Плошча вострава - 61 км². Насельніцтва - 7480 чал. (2010 г.)
Востраў Калон месціцца ў паўднёва-заходняй частцы Карыбскага мора ў 260 км на захад ад горада Панама. Аддзелены вузкім пралівам (427 км) ад кантынентальнай часткі Цэнтральнай Амерыкі. Берагі перарэзаны шматлікімі бухтамі. Паверхня нізкая (3 м). На паўднёвым усходзе вылучаецца паўвостраў, злучаны з астатняй астраўной тэрыторыяй кароткім перасмыкам (150 м). На паўвостраве знаходзяцца аэрапорт і горад Бокас-дэль-Тора.
Востраў сфарміраваны асадкавымі пародамі — глінай, вапнякамі, рачным глеям. Большая частка пакрыта дажджавымі лясамі. На ўзбярэжжы — бананавыя і какосавыя плантацыі. Клімат трапічны вільготны. Улетку магчымы ўраганы.
Востраў вядомы з 1502 г. Быў населены ў першай палове XIX ст. выхадцамі з ЗША і Ямайкі, якія прыбывалі разам з рабамі, стваралі плантацыі, займаліся рыбалоўствам і гандлем. Рабства адменена ў 1855 г. З канца XIX ст. на востраве развіваецца вытворчасць бананаў. З 1903 г. у складзе Панамы.
Востраў Калон — найбольш населеная частка архіпелага Бокас-дэль-Тора. Асноўныя галіны эканомікі — сельская гаспадарка і турызм. На паўднёвым захадзе вострава дзейнічаюць марскі порт і аэрапорт.