wd wp Пошук: ⬜

Зінаіда Уладзіміраўна Стагурская

Зінаіда Уладзіміраўна Стагу́рская (9 лютага 1971, Княжыца — 25 чэрвеня 2009) — беларуская велагоншчыца.

У 1992 годзе — чэмпіёнка СНД. Прымала ўдзел у трох Алімпіядах (1992, 1996, 2004). У 2000 годзе выйграла групавую гонку на чэмпіянаце свету ў Францыі.

У 2001 годзе была першай на шматдзённай гонцы ў агульным заліку на «Джыро д’Італія», аднак пасля была дыскваліфікавана на 10 месяцаў за спажыванне БАДу.

Праз год у 2002 годзе атрымала другое месца на «Джыро», а потым першае месца ў «Вялікай пятлі» (жаночы аналаг «Тур дэ Франс»).

Шматразовая пераможца этапаў Кубку Свету.

У 2006 годзе дыскваліфікавана на 2 гады за спажыванне забароненых прэпаратаў.

Загінула пад час трэніроўкі ў 13.45 на 93-м кіламетры аўтадарогі мяжа Расійскай Федэрацыі — Віцебск — Гомель. Яна патрапіла пад колы аўтамабіля «Хонда ЦР-В», які выехаў на сустрэчную паласу. Стагурская загінула на месцы.[1]

Зноскі

↑ Архівавана 28 чэрвеня 2009. Загінула знакамітая беларуская велагоншчыца Зінаіда Стагурская // Наша Ніва

Літаратура

Стагурская Зінаіда Уладзіміраўна // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 127. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.

Спасылкі

Стагурская Зінаіда Уладзіміраўна на сайце анлайн-энцыклапедыі «Беларусь у асобах і падзеях»

Спартыўныя вынікі

Профіль(англ.) (недаступная спасылка). Cyclingnews.com. Архівавана з першакрыніцы 29 кастрычніка 2013. Праверана 29 чэрвеня 2011.
Вынікі выступаў(гал.) (недаступная спасылка). Cyclebase.nl. Архівавана з першакрыніцы 3 сакавіка 2016. Праверана 29 чэрвеня 2011.
Зінаіда Стагурская — алімпійская статыстыка на сайце Sports-Reference.com (англ.)

Інтэрв’ю

«Мой італьянскі хлопец Антоніо перайшоў на беларускія дранікі з салам» (бел.) . «Звязда» (28 жніўня 2002). Архівавана з першакрыніцы 14 мая 2012. Праверана 29 чэрвеня 2011.
Парыж ужо ўзяты, на чарзе Афіны(руск.) (недаступная спасылка). «Прессбол» (22 жніўня 2002). Архівавана з першакрыніцы 14 снежня 2011. Праверана 29 чэрвеня 2011.