Зяновец рускі[3][4], Заноўнік, Зяновіц[5], Зяновец Ліндэмана[6] (Chamaecýtisus ruthénicus) — адзін з відаў роду Chamaecytisus. Раней уключаўся ў род Зяновец (Cytisus).
Лістападны куст вышынёй да 1,5—2 м. Парасткі з шаўкавістай бялёса-шэрай апушанкай з кароткімі прыціснутымі валасінкамі.
Лісце трайчастае, дробнае, да 2 см, ланцэтна-эліптычнае, у пачатку клінаватае, на вяршыні акругленае і з шыпікам, зверху шэра-зялёнае, знізу густаваласістае.
Кветкі па 3—5 у пазухах лісця, утвараюць малакветкавае коласападобнае-гронкападобнае суквецце. Чашачка трубчастая, валасістая, даўжынёй 10—15 мм. Квітнеюць у маі — ліпені на працягу 25 дзён, часам квітнеюць паўторна ў жніўні — верасні.