Зно́йма (чэшск.: Znojmo), Цнайм (ням.: Znaim) — горад у раёне Знойма Паўднёвамараўскага края Чэхіі з насельніцтвам 35 тысяч чалавек (2005). Размешчаны на левым беразе ракі Дзіе, недалёка ад мяжы з Аўстрыяй.
Заснаваны ў 1055 годзе. Сучасны Знойма закладзены ў 1226 годзе чэшскім каралём Пржэмыслам I Отакарам на месцы старажытнай сталіцы маркграфаў Маравіі, знішчанай у 1145 годзе. Да сярэдзіны XIII стагоддзя выкарыстоўваўся ў якасці крэпасці чэшскай дынастыяй Пржэмысловічаў (ад крэпасці захавалася ратонда).
У Знойма 12 ліпеня 1809 года было заключана перамір’е паміж Напалеонам I і аўстрыйскім эрцгерцагам Карлам пасля заканчэння Ваграмскай бітвы. У часы ўваходжання Чэхіі ў склад Аўстрыйскай імперыі назваўся Цнайм (ням.: Znaim).
У горадзе маецца гарбарная, керамічная, абутковая і тэкстыльная прамысловасць. Існуе вытворчасць спартыўнага інвентара. Харчовая прамысловасць прадстаўлена вінаробствам і вытворчасцю фруктовых і агароднінных кансерваў.
У горадзе ёсць мноства ўзораў сярэднявечнай архітэктуры, сярод якіх:
На Вікісховішчы ёсць медыяфайлы па тэме Знойма