Звычайная бульбяная тля[1] (Aulacorthum solani) — від тлей роду Aulacorthum з трыбы Macrosiphini.
Від быў упершыню апісаны ў 1843 годзе нямецкім энтамолагам Іаганам Генрыхам Кальтэнбахам (Johann-Heinrich Kaltenbach; 1807-1876) пад першапачатковай назвай Aphis solani Kaltenbach, 1843[2].
Даўжыня ад 3,2 да 3,5 мм. Цела бліскучае, эліпсоіднай формы, асноўная афарбоўка ад бялёса-зялёнай да жаўтлява-зялёнай. Брушныя трубачкі амаль у 2 разы даўжэй хвосціка.
Касмапаліт. Сустракаюцца паўсюдна, паколькі дзякуючы бульбе трапіла ў многія краіны свету, акрамя прыпалярных абласцей.
Шкодзіць многім сельскагаспадарчым культурам, такім як бульба, таматы і іншыя (соя, гарбуз, агуркі, дыня, кветкавыя дэкаратыўныя расліны), высмоктваючы сокі з лісця і сцеблаў і распаўсюджваючы раслінныя вірусы[5][6][7][8][9].