Зборная Сан-Марына па футболе — каманда, што прадстаўляе Сан-Марына на міжнародных спаборніцтвах па футболе. Кіроўная арганізацыя — Федэрацыя футбола Сан-Марына.
Адна з самых слабых зборных у сусветным футболе. Магчыма, што слабасць каманды злучана з вельмі невялікім насельніцтвам краіны (меншае насельніцтва з усіх членаў УЕФА мае толькі Гібралтар). Зборная Сан-Марына ніколі не гуляла ў фінальных турнірах чэмпіянатаў свету і Еўропы, а за ўсю сваю гісторыю пакуль здабыла толькі адну перамогу.
Станам на 7 красавіка 2016 года зборная займае двухсотае месца ў рэйтынгу ФІФА[1], а ў рэйтынгу УЕФА станам на 13 лістапада 2015 года[2] — 53-е.