Заходнерусізм (руск.: западнорусизм) — ідэалагічны кірунак навуковага, грамадска-палітычнага, этнаканфесійнага і культурнага жыцця ў Расійскай імперыі і Беларусі, які ўзнік у канцы 1830-х і асабліва развіўся і пашырыўся пасля падаўлення паўстання 1863—1864 гадоў у Расійскай імперыі. Ідэалогія засноўвалася на пастулаце, што Беларусь з’яўляецца не самастойнай краінай, а складовай рэгіянальнай часткай Расіі, а беларусы — не асобным народам, а самабытным адгалінаваннем рускага этнаса.