wd wp Пошук: ⬜

Завулак Мігая

Завулак Мігая (руск.: переулок Мигая) — завулак у Ленінскім раёне Магілёва, на Шклоўскім пасадзе. Працягласць 260 м, ад Ленінскай да Першамайскай вуліцы.

Гісторыя

Гістарычна насіў назву Лютэранскі завулак, якая паходзіць ад лютэранскай кірхі, якая была пабудавана ў 1780 годзе з дазволу расійскай імператрыцы Кацярыны II. У савецкі час перайменаваны ў гонар Народнага артыста РСФСР Сяргея Іванавіча Мігая, ураджэнца Магілёва.

Большая частка забудовы знішчана пры будаўніцтве дома № 31 па вуліцы Першамайскай (1981). Завулак праходзіць праз арку ў гэтым доме.

Забудова

Няцотны бок

№ 29 (Першамайская вуліца, 29) — 5-павярховы будынак былой гасцініцы «Дняпро» (1940; архітэктары А. Брэгман, А. П. Воінаў). Цяпер у будынку размяшчаецца гандлёвы цэнтр «Дняпро».
(Першамайская вуліца, 29А) — будынак «Белінвестбанка» (1990-я; архітэктар А. Валовіч [1]).У будынку ў якасці алюзій выкарыстаны матывы абароннай архітэктуры. Аб’ём арганізаваны вакол шматсвятловай атрыўмнай прасторы з галерэямі, асветленага па перыметры ў верхняй частцы. Кампазіцыйнай дамінантай з’яўляецца вежавы аб’ём з шатровым дахам. Вырашэнне фасадаў характарызуецца павышанай пластыкай і разнастайнасцю элементаў: калон, на якія абапіраецца навісаючы верхні ярус, арачных праёмаў, паверхняў, якія імітуюць схільныя дахі, вокнаў-«байніц»[1].
№ 7 — двухпавярховы будынак — Гісторыка-культурная каштоўнасць Беларусі, шыфр 512Е000001шыфр 512Е000001
№ 9 — двухпавярховы будынак — Гісторыка-культурная каштоўнасць Беларусі, шыфр 512Е000001шыфр 512Е000001
№ 11 — двухпавярховы будынак — Гісторыка-культурная каштоўнасць Беларусі, шыфр 512Е000001шыфр 512Е000001
№ 13 (Ленінская вуліца, 36) — будынак былога крэдытнага таварыства (пачатак ХХ стагоддзя). З боку завулка Мігая ў будынку размяшчаецца бар «Чэрчыль». — Гісторыка-культурная каштоўнасць Беларусі, шыфр 513Г000584шыфр 513Г000584
Будынак «Белінвестбанка»
Дом № 7
Дом № 9
Дом № 11
Будынак былога крэдытнага таварыства (дом № 13)

Цотны бок

№ 10 — Спецыяльная агульнаадукацыйная школа для дзяцей з цяжкімі парушэннямі гаворкі г. Магілёва (1930-я)

Зноскі

1 2 Шамрук, А. С. Архитектура Беларуси ХХ — начала ХХІ в.: эволюция стилей и художественных концепций. — Минск: Белорусская наука, 2007. — 335 с.: илл. ISBN 978-985-08-0868-4

Спасылкі

На Вікісховішчы ёсць медыяфайлы па тэме Завулак Мігая