Журуа́[2] (парт.: Rio Juruá) — рака ў Паўднёвай Амерыцы, у Перу і Бразіліі, правы прыток ракі Амазонка.
Даўжыня ракі 3280 км. Плошча вадазбору 224 тыс. км². Сярэднегадавы расход вады ў вусці 8—9 тыс. м³/сек. Выток ракі знаходзіцца на тэрыторыі Перу, у перадгор’ях Перуанскіх Андаў. Сярэдняе і ніжняе цячэнне па Амазонскай нізіне. Жыўленне ракі пераважна дажджавое[2]. Паводкі адбываюцца снежні—маі[2]. Галоўны прыток — рака Тарауака (правы). Суднаходная ад горада Крузейру-ду-Сун[3].