Жуль Мішле́ (фр.: Jules Michelet; 21 жніўня 1798, Парыж — 9 лютага 1874, Ер, дэпартамент Вар, Францыя) — французскі гісторык і публіцыст, прадстаўнік рамантычнай гістарыяграфіі, аўтар глыбока суб’ектыўных трактатаў пра гісторыю, грамадства і прыроду, напісаных сакавітай, усхваляванай мовай. Вынаходнік тэрміна «Рэнесанс» («Адраджэнне»).
Член Акадэміі маральных і палітычных навук (1838). У 1834—1836 гг. прафесар у Страсбургу, у 1838—1851 гг. у Калеж дэ Франс[8].