Жа́бчыцкі раён — былая адміністрацыйна-тэрытарыяльная адзінка БССР. Утвораны 15 студзеня 1940 г. у Пінскай вобласці. Цэнтр – вёска Жабчыцы. 12 кастрычніка 1940 г. падзелены на 12 сельсаветаў: Ахоўскі, Бродніцкі, Дубайскі, Жабчыцкі, Завідчыцкі, Кашавіцкі, Кротаўскі, Масявіцкі, Невельскі, Паршавіцкі, Хойнаўскі, Яечкавіцкі.
З 8 студзеня 1954 г. у Брэсцкай вобласці. 16 ліпеня 1954 г. скасаваныя Завідчыцкі, Кашэвіцкі, Хойнаўскі, Яечкавіцкі сельсаветы, утвораны Вулькаўскі сельсавет, Жабчыцкі сельсавет перайменаваны ў Малоткавіцкі[1]. 30 мая 1955 г. цэнтр раёна перанесены ў вёску Малоткавічы.
14 кастрычніка 1957 г. Жабчыцкі раён скасаваны, Бродніцкі і Кротаўскі сельсаветы перададзены Іванаўскаму, Масявіцкі сельсавет – Лагішынскаму, Ахоўскі, Вулькаўскі, Дубойскі, Малоткавіцкі, Невельскі, Паршавіцкі сельсаветы – Пінскаму раёнам[2].