wd wp Пошук: ⬜

Дэтройт

Дэтро́йт (англ.: Detroit ад фр.: Ville d’étroit «горад праліва») — горад у ЗША, графства Вэйн, на паўднёвым усходзе штата Мічыган, на рацэ Дэтройт. Насельніцтва: 887 тыс. (2005), метраполіс: 4469 тыс. (2005). Паселішча з 1701, горад з 1815.

Найбольшы горад у штаце Мічыган.

Гісторыя

Еўрапейскае засяленне пачалося з заснавання французскіх форту і паселішча Антуанам дэ ла Мотам Кадзілакам пад назвай Форт-д’Этройт («форт праліва») (1701). У брытанскім уладанні (1760). У амерыканскім уладанні (1796). Першая сталіца тэрыторыі, потым штата (1805—1847). Пажар (1805) знішчыў амаль увесь горад. Узяты брытанскім войскам (1812), амерыканскім войскам (1813). З развіццём воднага і наземнага транспарту горад хутка вырас у 1830-я. Дзейнасць Генры Форда і іншых зрабіла горад, у свой час, «аўтамабільнай сталіцай свету» (адсюль прыдомкі, напр., Motor Town і Motown). Горад быў вядучым цэнтрам ваеннай вытворчасці ў час 1-й і 2-й сусветных войнаў.

Гаспадарка

Прамысловасць: аўтамабільная і запасных частак, біятэхналогіі, інфарматыка, нанатэхналогіі і інш.

Транспарт

Порт і значны вузел чыгуначных ліній і суднаходства па Вялікіх Азёрах. Тунель і грузавы паром Дэтройт-Віндзар (Антарыё, Канада), міжнародны мост Амбасадар, Мічыганскі цэнтральны чыгуначны тунель.

Адукацыя

Універсітэт штата ім. Вэйна, Каледж Мэрыгроўв, Універсітэт Дэтройт-Мерсі і інш.

Гарады-пабрацімы

Чунцын (кіт. трад. 重慶市, спр. 重庆市 , піньінь: Chóngqìng), Кітай
Дубай (араб. دبيّ‎‎), ААЭ
Кітвэ (англ.: Kitwe), Замбія
Мінск, Беларусь
Насау (англ.: Nassau), Багамы
Таёта (яп.: 豊田市), Японія
Турын (італ.: Torino), Італія
Чарнігаў (укр.: Чернігів), Украіна

Вядомыя асобы

Арт Клокей
Генры Форд II
Крыстафер Клайберн (нар. 1996) — амерыканскі баскетбаліст.

Спасылкі

На Вікісховішчы ёсць медыяфайлы па тэме Дэтройт
Афіцыйны сайт Архівавана 12 снежня 1998.
Сайт «Забыты Дэтройт»
Дэйтройт — самы няшчасны горад ЗША
Дэтройт. Разбураны горад
Сайт фатографаў, якія знялі разбураны Дэтройт Архівавана 5 жніўня 2012.
Афіцыйнае відэа горада