Дыя́ла (араб. نهر ديالى) — рака ў Іране і Іраку, левы прыток ракі Тыгр.
Даўжыня ракі 440 (443[1]) км (ад вытоку ракі Сірван), ад зліцця рэк Сірван і Эльвенд — 231 км. Плошча вадазборнага басейна больш за 30 000 км². Сярэдні расход вады 130 м³/с. Рака пачынаецца ў Заходнім Іране, у гарах Загрос, як рака Сірван[1]. Працякае па Месапатамскай нізіне. На працягу 32 км працякае на мяжы Ірана і Ірака[1]. Упадае ў Тыгр ніжэй па цячэнню ад Багдада. На рацэ некалькі плацін. Вада ракі выкарыстоўваецца на арашэнне. Каля ракі горад Баакуба.