«Другая прамова Русіна аб нараджэнні Хрыста» («Ulio Concio ruthena pro Nativate Oni (Domini)») – ананімны сатырычны твор беларускай літаратуры 1-й паловы XVIII ст. Уваходзіць у рукапісны зборнік твораў на беларускай, лацінскай і польскай мовах (напісаны 1711 – 1741 гг., часткова апублікаваны ў 1965 г.). Напісана на беларускай мове лацінкай, цытаты з рэлігійнай літаратуры на лацінскай мове, трапляецца польская і руская лексіка. Пабудавана па канонах царкоўнага казання, у аснове якога традыцыйны рэлігійны сюжэт (пастыры – авечкі – ваўкі), напоўнены актуальным зместам. У творы выявіліся асветніцкія ідэі і парадкальнасць, барочная квяцістасць стылю. Належыць, відаць, таму ж аўтару, што і «Прамова Русіна».
Тэмы гэтай старонкі (4):