Дрокія[2] (малд.: Drochia) — горад у Малдове, цэнтр Дрокіеўскага раёна.
Дрокія ўпершыню згадваецца ў летапісе ў 1777 годзе. У 1830 годзе маленькае паселішча з 25 сем’яў. У 1847 годзе ў Дрокіі было пабудавана першае прамысловае прадпрыемства — завод па перапрацоўцы вінаграду. У 1875 годзе былі пабудаваны 2 паравыя млыны. Больш інтэнсіўнае развіццё прамысловасці пачалося з будаўніцтвам у канцы XIX стагоддзя чыгункі Бэлць — Окніца.
3 верасня 1954 года Дрокія атрымала статус пасёлка гарадскога тыпу і стала адміністрацыйным цэнтрам Дрокіеўскага раёна, а 28 снежня 1973 года — горада.