wd wp Пошук:
    ⬜

    Драматычны тэатр Юозаса Мільцініса

    Драматычны тэатр Юозаса Мільцініса (літ.: Panevėžio Juozo Miltinio dramos teatras, Панявежыскі драматычны тэатр) — тэатр у горадзе Панявежыс (Літва).

    Тэатр быў заснаваны ў 1940 годзе на базе Каўнаскай тэатральнай студыі. У 1940—1954 і 1959—1980 гадах кіраўніком тэатра быў рэжысёр Юозас Мільцініс, які стварыў у правінцыйным літоўскім горадзе буйную тэатральную школу. У прыватнасці, Мільцінісам была заснавана студыя, якая рыхтавала акцёраў для Панявежыскага драматычнага тэатра.

    У гады свайго росквіту тэатр быў вядомы далёка па-за межамі Літвы: «…Вось ужо шмат гадоў, — пісала ў 1971 годзе Наталля Крымава, — на кожную прэм’еру ў Панявежыс адпраўляюцца аўтобусы тэатральных калегаў з усёй Прыбалтыкі. І не толькі Прыбалтыкі — чуткі дайшлі і да Масквы, стварылася ўжо своеасаблівая легенда пра Панявежыскі тэатр і яго кіраўніка Юозаса Мільцініса»[1]. Мільцінісу ўдалося стварыць у сваім тэатры моцны акцёрскі ансамбль: на яго сцэне выступалі, у прыватнасці, Данатас Банёніс, Альгімантас Масюліс, Бронюс Бабкаўскас, Казімерас Віткус.

    Пасля смерці Мільцініса на пасадзе кіраўніка яго змяніў Данатас Банёніс, але без свайго стваральніка Панявежыскі тэатр ператварыўся ў звычайны правінцыйны тэатр, і сам Панявежыс, паводле слоў рэжысёра Э. Някрошуса, «перастаў існаваць як культурны цэнтр»[2].

    Зноскі

    1. ↑ Крымова Н. А. Секреты Паневежиса // Имена. Рассказы о людях театра. — М. : Искусство, 1971.
    2. ↑ Азеева И. В., 2015 Театральная школа Юозаса Мильтиниса: судьба феномена // Ярославский педагогический вестник — 2015 — № 2 — Том I (Культурология)

    Спасылкі

    Тэмы гэтай старонкі (7):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Тэатры паводле алфавіта
    Катэгорыя·Тэатры Літвы
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Катэгорыя·Драматычны тэатр Юозаса Мільцініса
    Катэгорыя·Панявежыс
    Катэгорыя·З’явіліся ў 1940 годзе