Дзяра́жненскі сельсавет — былая адміністрацыйна-тэрытарыяльная адзінка ў складзе Касцюковіцкага раёна Магілёўскай вобласці Беларусі. Цэнтр — вёска Дзяражня.
Утвораны 20 жніўня 1924 года як Красніцкі сельсавет у складзе Касцюковіцкага раёна Калінінскай акругі БССР. Цэнтр — вёска Красніца. З 9 чэрвеня 1927 года ў складзе Магілёўскай акругі. Пасля скасавання акруговай сістэмы 26 ліпеня 1930 года ў Касцюковіцкім раёне БССР. 5 снежня 1931 года цэнтр сельсавета перанесены ў вёску Дзяражня, сельсавет перайменаваны ў Дзяражненскі. З 20 лютага 1938 года ў складзе Магілёўскай вобласці. 8 снежня 1959 года да сельсавета далучана тэрыторыя скасаванага Ветухноўскага сельсавета[1]. На 1 студзеня 1974 года ў складзе сельсавета было 17 населеных пунктаў[2]. 26 лютага 1992 года скасаваны, тэрыторыя далучана да Беладубраўскага сельсавета.