Дзмітрый Альгердавіч (пасля 1320 — 12 жніўня 1399) — удзельны князь бранскі, старадубскі і трубчэўскі з дынастыі Гедзімінавічаў. Родапачынальнік князёў Трубяцкіх[2].
Сын вялікага князя Альгерда і яго першай жонкі Марыі. Дзмітрый Альгердавіч старэйшы брат Карыбута-Дзмітрыя Альгердавіча[3], іх часта блытаюць.
Прыкладна з 1370 года князь бранскі і старадубскі, таксама валодаў Маладзечнам і шэрагам вакольных сёлаў. Страціў свае ўладанні пасля пераходу да вялікага князя маскоўскага зімой 1379—1380 года. Бранскае і Старадубскае княствы атрымаў князь Карыбут-Дзмітрый Альгердавіч[4]. Магчыма, князю Дзмітрыю належала і маладзечанскае «Дмитрьево село Груздовица», нададзенае ў 1387 годзе сярод іншага каралём Ягайлам свайму брату князю Скіргайлу.
Атрымаў ад вялікага князя маскоўскага Пераслаўль-Залескі. Браў удзел у Кулікоўскай бітве (1380).
Недзе ў канцы 1387 — пачатку 1388 года вярнуўся ў Вялікае Княста Літоўскае, пэўны час быў у Маладзечне, дзе 16 снежня 1388 года прысягнуў каралю Ягайлу.
Загінуў у бітве на Ворскле (1399).
Жонка: Ганна. Дзеці: