У Вікіпедыі ёсць артыкулы пра іншых асоб з прозвішчам Эліят.
Мэры Эн Эванс (англ.: Mary Anne Evans; 22 лістапада 1819 маёнтак Арберы, графства Уорыкшыр — 22 снежня 1880, Лондан), больш вядомая пад псеўданімам Джордж Эліят (англ.: George Eliot) — англійская пісьменніца-раманістка, журналістка, перакладчыца і адна з вядучых літаратурных аўтараў Віктарыянскай эпохі.
Мэры Эн выкарыстоўвала мужчынскі псеўданім, каб пазбегнуць распаўсюджанага ў грамадстве віктарыянскай эпохі стэрэатыпа аб няздольнасці жанчыны пісаць нічога акрамя любоўных раманаў. Дадатковай прычынай выкарыстання псеўданіму стала жаданне пісьменніцы ахаваць сваё прыватнае жыццё ад публічнага нагляду і прадухіліць магчымыя скандалы датычна яе ўзаемаадносін з ужо жанатым Джорджам Генры Льюісам, з якім яна жыла больш за 20 гадоў[6].