У Вікіпедыі ёсць артыкулы пра іншых асоб з прозвішчам Коплі.
Джон Сінглтан Коплі (англ.: John Singleton Copley; 3 ліпеня 1738, Бостан — 9 верасня 1815, Лондан) — амерыканскі і англійскі мастак XVIII ст., майстар партрэтнага і гістарычнага жывапісу.
Нарадзіўся ў Бостане. Яго айчым сам быў мастаком, і ў пазней дапамагаў свайму пасынку парадамі. Аднак у асноўным свой мастацкі талент Коплі ўдасканальваў самастойна, капіруючы гравюры з твораў Готфрыда Кнелера, Джашуа Рэйнальдса і іншых майстроў таго часу.
Партрэты, створаныя Коплі, напісаны ў класіцысцкай манеры з элементамі ракако. Такія яго творы, як знакаміты «Хлопчык з вавёркай» (партрэт яго брата Генры Пелэма; 1765), партрэты П. Рэвіра (1768), Н. Хэрда (1765—1766; усе — Музей выяўленчага мастацтва, Бостан) — даюць уяўленне, што Коплі быў адным з лепшых амерыканскіх партрэтыстаў свайго часу.