Джон Бойд Ор (англ.: John Boyd Orr; 23 верасня 1880 — 25 чэрвеня 1971) — англійскі педагог, урач, грамадскі дзеяч, лаўрэат Нобелеўскай прэміі міру (1949).
Педагог, урач, грамадскі дзеяч, даследчык праблем харчавання, харчовай бяспекі, голаду, недаядання, харчавання насельніцтва падчас войнаў. Сааўтар кнігі «Харчаванне насельніцтва падчас вайны» (1940), рэктар Універсітэта Глазга, кіраўнік ФАА (Харчовай праграмы ААН).
Прэмія была яму прысуджаная з фармулёўкай «У знак прызнання яго заслуг не толькі ў справе вызвалення чалавецтва ад патрэбы, але і ў стварэнні асноў мірнай кааперацыі паміж класамі, нацыямі і расамі».