wd wp Пошук: ⬜

Джозеф Генры

Джозеф Генры (англ.: Joseph Henry; 17 снежня 1797 - 13 мая 1878) — амерыканскі фізік, першы сакратар Смітсанаўскага інстытута. Генры лічыўся адным з найвялікшых амерыканскіх навукоўцаў з часоў Бенджаміна Франкліна. Ствараючы магніты, Генры адкрыў новую з’яву ў электрамагнетызме - самаіндукцыю. Незалежна ад Фарадэя Генры выявіў узаемаіндукцыю, але Фарадэй раней апублікаваў свае вынікі. Яго працы па электрамагнітных рэле былі асновай для электрычнага тэлеграфа, вынайдзенага Сэмюэлем Морзэ і Чарльзам Уітстанам незалежна ад Генры.

Генры уваходзіў у лік першых 50 выбітных навукоўцаў, уключаных прэзідэнтам Лінкальнам ў склад Нацыянальнай Акадэміі навук ЗША (1863г.), і з 1868 г. да канца жыцця быў яе нязменным прэзідэнтам. У гонар Джозефа Генры названая адзінка індуктыўнасці ў сістэме СІ - «генры».

Кар’ера

Помнік Джозефу Генры перад будынкам Смітсанаўскага інстытута.

1826 — прафесар матэматыкі і натуральнай філасофіі ў Олбанскай акадэміі, Нью-Ёрк
1832 — прафесар у Прынстане
1835 — вынаходзіць электрамеханічнае рэле
1846 — першы сакратар Смітсанаўскага інстытута, да 1878
1848 — рэдагуе кнігу Г. Сквайра і Э. Дэвіса «Старажытныя помнікі даліны Місісіпі» - першую публікацыю інстытута.
1852 — абраны ў Дзяржаўны Савет па маяках
1871 — прызначаны старшынёй Савета па маяках
З 1868 і давеку — другі прэзідэнт Нацыянальнай Акадэміі навук ЗША.

Зноскі

1 2 Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
1 2 Joseph Henry // Encyclopædia Britannica Праверана 9 кастрычніка 2017.
1 2 Генри Джозеф // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
↑ Find a Grave — 1996.

Літаратура

БЭ ў 18 тамах. Т.5, Мн., 1997, С.158

Спасылкі

1. The Joseph Henry Papers Project Архівавана 16 студзеня 2009.