Даратэя Ланж (англ.: Dorothea Lange, пры нараджэнні — англ.: Dorothea Margaretta Nutzhorn, 26 мая 1895, Хабокен, Нью-Джэрсі — 11 кастрычніка 1965, Сан-Францыска) — амерыканскі фатограф і фотажурналіст, найважнейшы прадстаўнік дакументальнай фатаграфіі.
Ва ўзросце сямі гадоў перахварэла на поліяміэліт. Кар’еру фатографа пачала ў Нью-Ёрку, вучылася ў Кларэнса Уайта. Затым пераехала ў Сан-Францыска (1918), адкрыла там фотастудыю. Найбольш вядомая фатаграфіямі перыяду Вялікай дэпрэсіі (пасля 1935 года). Таксама здымала ў Пёрл-Харбар пасля нападу Японіі ў 1941 годзе. У 1952 годзе стала адным з заснавальнікаў фотачасопіса «Aperture». Шмат хварэла. Памерла ад раку стрававода.