Дамінік Міхал Слушка (каля 1655 — 31 студзеня 1713) — дзяржаўны дзеяч Вялікага Княства Літоўскага.
Палкоўнік, староста рэчыцкі, суражскі, барысаўскі, ваявода полацкі з 1686. Маршалак Трыбунала ВКЛ у 1681, 1690 і 1695.
Сын Багуслава Юрыя Слушкі, надворнага падскарбія літоўскага, і Ганны Патоцкай, дачкі брацлаўскага ваяводы Стэфана Патоцкага.
Брат польнага гетмана літоўскага Юзафа Багуслава Слушкі.
Быў жанаты з дачкой смаленскага ваяводы Рыгора Казіміра Падбярэзскага Канстанцыяй, меў дзяцей Багдана, Яўстаха, Багуслава і Жыгімонта.