Багуслаў Юрый Слушка (? — 1658) — дзяржаўны дзеяч Вялікага Княства Літоўскага.
Староста рэчыцкі з 1639, вялікі стольнік літоўскі у 1643—1645, падскарбі надворны літоўскі з 1645.
Сын троцкага ваяводы Аляксандра Слушкі і дачкі берасцейскага ваяводы Крыштафа Зяновіча Соф’і Канстанцыі.
Брат вялікага літоўскага харунжага Жыгімонта Адама Слушкі.
Быў жанаты з дачкой брацлаўскага ваяводы Стэфана Патоцкага Ганнай (памерла ў 1695), удавой Аляксандра Дамініка Казаноўскага. Меў дачку Канстанцыю (якая была замужам за двума прадстаўнікамі роду Дэнгафаў: Эрнэстам, кашталянам віленскім і ваяводам мальбаргскім, і яго стрыечным братам Уладзіславам, ваяводам паморскім) і сыноў Дамініка Міхала і Юзафа Багуслава.