Дамінік Мікалай Радзівіл (верасень 1648 або 1653 — 27 ліпеня 1697) — вялікалітоўскі дзяржаўны дзеяч.
Сын Аляксандра Людвіка Радзівіла.
Вучыўся ў Італіі. Удзельнічаў у бітве з туркамі пад Хацінам у 1673 годзе і ў вайне 1683 года. Падскарбі надворны літоўскі (677—1681), падканцлер літоўскі (1681—1690), вялікі канцлер літоўскі з 1690 года; маршалак Трыбунала Літоўскага ў 1685 годзе, староста лідскі, ваўкавыскі, вярбілаўскі. Пасол на соймы 1669 (удзельнічаў у абранні на каралеўскі пасад Міхала Вішнявецкага), 1674 (падтрымаў абранне Яна III Сабескага), 1676, 1681 гадоў. 3 1690 года ардынат клецкі.
У шлюбе з Ганнай Мар’янай Палубінскай меў 4 дачок, сыноў Яна Мікалая, Мікалая Фаўстына, Фелікса і Міхала Антонія. У шлюбе з Ганнай Крысцінай Любамірскай дзяцей не меў.