Грэза — рака ў Магілёўскім і Быхаўскім раёнах Магілёўскай вобласці Беларусі, левы прыток ракі Друць (басейн Дняпра).
Даўжыня ракі 51 км. Вадазбор 458 км². Сярэднегадавы расход вады ў вусці 2,5 м³/с. Сярэдні нахіл воднай паверхні 0,7 ‰.
Асноўныя прытокі: Езва (злева). Рака выкарыстоўваецца як водапрыёмнік меліярацыйных каналаў.
Пачынаецца каля паўднёва-ўсходняй ускраіны вёскі Загрэззе Магілёўскага раёна, цячэ па Цэнтральнабярэзінскай раўніне, вусце на паўднёвай ускраіне вёскі Вязьма Быхаўскага раёна. Даліна трапецападобная, шырынёй 1—1,5 км. Пойма двухбаковая, часткова парэзаная старымі рэчышчамі і канавамі, шырынёй 0,4—0,5 км. Рэчышча на ўсім працягу каналізаванае. Шырыня ракі ў межань ў верхнім цячэнні 4—6 м, ніжэй — каля 10 м. Берагі ўмерана стромкія, адкрытыя, пад лугамі.
У пойме ракі вадасховішча Студзёнкаўскае[1].
Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.
Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.)
Блакiтная кнiга Беларусi: энцыкл. / Рэдкал.: Н. А. Дзiсько i iнш. — Мн.: БелЭн, 1994. — 415 с.
Республика Беларусь. Атлас охотника и рыболова: Могилёвская область / Редактор Г. Г. Науменко. — Мн.: РУП «Белкартография», 2012. — С. 25, 26. — 64 с. — 10 000 экз. — ISBN 978-985-508-173-0.(руск.)
Ліст карты N-36-73. Выданне 1979 г.(руск.)
Ліст карты N-36-85. Выданне 1978 г.(руск.)
Ліст карты N-35-96. Выданне 1981 г.(руск.)