Гранвіль (фр.: Granville, нармандск.: Graunville) — камуна на паўночным захадзе Францыі, знаходзіцца ў рэгіёне Нармандыя, дэпартамент Манш, акруга Аўранш, цэнтр аднайменнага кантона. Размешчана за 49 км на паўднёвы захад ад Сен-Ло і за 91 км на поўдзень ад Шэрбур-ан-Катантэна. Марскі і кліматычны курорт на беразе заліва Мон-Сен-Мішэль на заходнім узбярэжжы паўвострава Катантэн. Гранвіль вядомы з XI стагоддзя. Былы ваенны і каперскі порт, цяпер — адзін з найбуйнейшых партоў промыслу створкавых малюскаў у Францыі. У цэнтры горада знаходзіцца чыгуначная станцыя Гранвіль — канцавая лініі Аржантан — Гранвіль.