wd wp Пошук: ⬜

Годфрэй Ньюбалд Хаўнсфілд

У Вікіпедыі ёсць артыкулы пра іншых асоб з прозвішчам Хаўнсфілд. Годфрэй Ньюбалд Хаўнсфілд (англ.: Godfrey Newbold Hounsfield, 28 жніўня 1919, г. Ньюарк, Вялікабрытанія — 12 жніўня 2004, Вялікабрытанія) — брытанскі інжынер-фізік, лаўрэат Нобелеўскай прэміі па фізіялогіі і медыцыне ў 1979 годзе разам з А. М. Кормакам «за распрацоўку камп’ютарнай тамаграфіі»[5][6].

Біяграфія

Годфрэй Ньюбалд Хаўнсфілд нарадзіўся ў Саттон-он-Трэнт (каля Ньюарк-он-Трэнт), Нотынгем, Англія, 28 жніўня 1919 года. Ён быў малодшым з пяці дзяцей (два браты, дзве сястры). У дзяцінстве ён быў ачараваны электрычнымі прыладамі і машынамі на ферме сваіх бацькоў. Ён вучыўся ў Magnus Grammar School у горадзе Ньюарк-он-Трэнт і атрымаў поспех у фізіцы і арыфметыцы.

Скончыў Лонданскі каледж Фарадэя (1951). З 1951 года працаваў у кампаніі EMI.

У 1969 годзе стварыў камп’ютарны рэнтгенаўскі тамограф для сканіравання ўнутраных органаў (EMI-сканер).

Ён ніколі не быў жанаты і памёр у 2004 годзе.

Узнагароды

1975 — Прэмія Альберта Ласкера за клінічныя медыцынскія даследаванні(ням.) бел.
1975 — быў абраны ў Лонданскае каралеўскае таварыства
1976 — Міжнародная прэмія Гайрднера
1976 — Хаўнсфілд быў прызначаны камандорам ордэна Брытанскай імперыі і пасвечаны ў рыцары ў 1981 годзе
1977 — Хаўнсфілд быў узнагароджаны медалём Потса
1979 — Хаўнсфілд і Кормак атрымалі Нобелеўскую прэмію па фізіялогіі і медыцыне.

Памяць

Імем навукоўца названа шкала вымярэння шчыльнасці асяроддзя для рэнтгенаўскіх прамянёў, якая выкарыстоўваецца ў тамаграфіі — шкала Хаўнсфілда. Дыяпазон адзінак шкалы, якія адпавядаюць каэфіцыенту паглынання рэнтгенаўскага выпраменьвання нармальнымі анатамічнымі структурамі арганізма, складае ад −1024 да +1024. Сярэдні паказчык у шкале Хаўнсфілда (0 HU) адпавядае шчыльнасці вады, адмоўныя велічыні шкалы адпавядаюць паветру і тлушчавай тканцы, станоўчыя — мяккім тканкам, касцявой тканцы і больш шчыльнаму рэчыву (метал)[7].

Гл. таксама

Камп’ютарная тамаграфія

Зноскі

↑ http://global.britannica.com/biography/Godfrey-Newbold-Hounsfield
↑ Sir Godfrey Newbold Hounsfield // Encyclopædia Britannica Праверана 9 кастрычніка 2017.
↑ Godfrey Newbold Hounsfield // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag Праверана 9 кастрычніка 2017.
↑ Godfrey Newbold Hounsfield // Munk’s Roll
↑ Raju, T. N. (1999). «The Nobel Chronicles». The Lancet 354 (9190): 1653—1656. doi:10.1016/S0140-6736(05)77147-6
↑ Peeters, F.; Verbeeten Jr, B.; Venema, H. W. (1979). «Nobel Prize for medicine and physiology 1979 for A.M. Cormack and G.N. Hounsfield».
↑ Gunderman, Richard (2006). Essential Radiology. Page 10

Літаратура

Беларуская энцыклапедыя: У 18 т. Т.18 Кн.1: Дадатак: Шчытнікі — ЯЯ / Рэдкал.: Г. П. Пашкоў і інш — Мінск: БелЭн, 2004. — Т. 18. — 472 с. — 10 000 экз. — ISBN 985-11-0295-4

Спасылкі

Аўтабіяграфія на Нобелеўскім сайце Архівавана 11 лістапада 2001.
Некралог у газеце The Telegraph