У Вікіпедыі ёсць артыкулы пра іншых асоб з прозвішчам Казак.
Герман Казак (ням.: Hermann Kasack; 24 ліпеня 1896, Патсдам, Германія — 10 студзеня 1966) — нямецкі пісьменнік. Член Акадэміі навукі і літаратуры ў Майнцы, прэзідэнт Нямецкай акадэміі мовы і паэзіі ў Дармштаце (1953-63).
Дэбютаваў зборнікамі вершаў «Чалавек» (1918), «Востраў» (1920), драмай «Трагічная місія» (1920). Найбольш вядомы раман «Горад за ракой» (1947) — сюррэалістычны паказ «горада памерлых», бяздушнага таталітарнага механізма. Песімістычныя ідэі знайшлі адлюстраванне ў рамане «Вялікая сетка» (1952) і аповесцях «Ткацкі станок» (1949), «Фальшыўка» (1953). Паводле манеры блізкі да Франца Кафкі. Аўтар зборніка эсэ «Мазаіка» (1956).