Георг Бюхнер (ням.: Georg Büchner; 17 кастрычніка 1813, Гедэлау каля Дармштата — 19 лютага 1837, Цюрых) — нямецкі паэт і драматург.
Сын урача, брат урача і прыродазнаўца Людвіга Бюхнера. Вучыўся ў Страсбургу і Гісене, дзе займаўся вывучэннем натуральных навук і практычнай медыцынай; выдаў памфлет «Der Hessische Landbote» з эпіграфам: «Friede den Hütten, Krieg den Palästen» («Мір - хацінам, вайна - палацам»).
У 1834 Бюхнер удзельнічаў у рэвалюцыйным паўстанні ў Гесэне. За напісанне палітычнага памфлета адшукваўся паліцыяй.
Пазбег арышту ўцёкамі ў 1835 годзе ў Страсбург і тут прысвяціў сябе вывучэнню новай філасофіі, у асаблівасці Дэкарта і Спінозы. У кастрычніку 1836 прыехаў у Цюрых, дзе атрымаў дазвол на чытанне лекцый, але 19 лютага 1837, неўзабаве пасля адкрыцця ім свайго курсу параўнальнай анатоміі, трагічна памёр ад заражэння крыві, выкліканага неакуратным выдаленым вугра на губе. Падручнік параўнальнай анатоміі, напісаны Бюхнерам, выкарыстоўваўся ва ўніверсітэцкім выкладанні да сярэдзіны ХХ стагоддзя.
Георг Бюхнер на Вікісховішчы |