У Вікіпедыі ёсць артыкулы пра іншых асоб з прозвішчам Кэры. Генры Чарлз Кэры (англ.: Henry Charles Carey; 15 снежня 1793, Філадэльфія — 13 кастрычніка 1879) — амерыканскі эканаміст, адзін з аўтараў тэорыі гармоніі інтарэсаў.
Выступаў супраць эканамічнага лібералізму, абгрунтоўваў неабходнасць ажыццяўлення палітыкі пратэкцыянізму, якая забяспечвае магчымасць кожнай краіне дасягнуць эканамічнай самадастатковасці. Лічыў, што законы прыроды ў стане забяспечыць пастаянны эканамічны прагрэс і што палітычная эканомія павінна вывучаць адносіны чалавек да прыроды. Адмаўляў тэорыю вартасці і тэорыю рэнты Давіда Рыкарда. атаясамліваў рэнту з працэнтамі на ўкладзены капітал. Асноўныя працы: «Прынцыпы палітычнай эканоміі» (т.1-3, 1837-40), «Гармонія інтарэсаў…» (1851).