wd wp Пошук: ⬜

Генры Мур

У Вікіпедыі ёсць артыкулы пра іншых асоб з прозвішчам Мур.

Генры Спенсер Мур (англ.: Henry Spencer Moore, 30 ліпеня 1898, Кастлфорд, Заходні Ёркшыр — 31 жніўня 1986, Хартфордшыр) — брытанскі мастак і скульптар.

Біяграфічныя звесткі

Вучыўся ў мастацкім коледжы ў Лідсе (1919—21), скончыў Каралеўскі коледж мастацтва ў Лондане (1925), у якім выкладаў да 1933. Пазней выкладаў у мастацкіх школах Чэлсі і Слейда. Член-заснавальнік мастацкай групоўкі «Першае падраздзяленне» (1933).

Творчасць

Зазнаў уплыў старажытнай мексіканскай пластыкі. З пач. 1920-х г. распрацоўваў нешматлікія сталыя кампазіцыі («Маці і дзіця», «Сямейная група», «Фігура ляжыць» і інш.), у якіх ствараў і жыццёва канкрэтныя, і абстрактныя, дэфармаваныя, фантастычна-мудрагелістыя вобразы. Творы вызначаюцца пластычнай абагульненасцю і манументальнасцю форм, напружанасцю ўнутранай структуры кампазіцыі, рытмічнай выразнасцю сілуэта. Майстар манументальна-дэкаратыўнай скульптуры: скульптурныя групы «Тры фігуры стаяць» у Батэрсі-парку ў Лондане (1947—48), «Кароль і каралева» на плато каля Дамфрыса (1952—53), «Фігура ляжыць» каля будынка ЮНЕСКА у Парыжы (1957—58), «Дзве вялікія формы» ў садзе Бундэсканцылярыі ў Боне (1979) і інш. Аўтар серыі малюнкаў, прысвечаных ваенным будням Лондана (1-я пал. 1940-х).

Прызнанне

Пасля Другой сусветнай вайны працы Мура набылі сусветнае прызнанне, яны прадстаўлены ў найбуйнейшых музеях розных краін. Ён узнагароджаны Ордэнам За заслугі, Ордэнам кавалераў Славы. Прах мастака спачывае ў лонданскім Саборы Святога Паўла.

Зноскі

1 2 Henry (1898-1986) Moore
↑ Henry Moore // Encyclopædia Britannica Праверана 9 кастрычніка 2017.
1 2 https://americanart.si.edu/artist/henry-moore-3392
↑ https://data.bnf.fr/en/11916701/henry_moore/
1 2 https://doi.org/10.1093/gao/9781884446054.article.T059425
↑ Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
↑ Museum of Modern Art online collection Праверана 4 снежня 2019.
1 2 3 4 https://www.theartstory.org/artist/moore-henry/
1 2 https://rkd.nl/explore/artists/57529
↑ https://artuk.org/discover/art-terms/modernism
↑ (unspecified title) Праверана 26 красавіка 2020.

Літаратура

Пракоп’ева С. І. Мур // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8.
Grigson G. Henry Moore. London, 1944.
Hall D. Henry Moore. The life and work of a great sculptor. New York, 1960.
Read H. Henry Moore. A study of his life and work. New York; Washington, 1966.
Berthoud R. The life of Henry Moore. London; Boston, 1987.
О своем творчестве рассказывает скульптор Генри Мур // Англия. 1975. № 2. С. 82—93.

Спасылкі