Генрых фон Гогенлоэ (? — 15 ліпеня 1249) — вялікі магістр Тэўтонскага ордэна 1244—1249 г.
Быў сынам аднаго з самых багатых і магутных феадалаў Вюртэмберга. У яго было чатыры брата і адна сястра.
У дзяцінстве быў прызначаны для святарства. У снежні 1220 г. далучыўся да рыцараў ордэна. У 1221 г. здзейсніў паломніцтва ў Святую Зямлю. У 1225 г. па наказе вялікага магістра Германа фон Зальца, суправаджаў у Італію жонку імператара Фрыдрыха II. З гэтага часу знаходзіўся ў акружэнні вялікага магістра.
Пасля адрачэння ад стальца Герхарда фон Мальберга Генрых фон Гогенлоэ быў абраны на пасаду вялікага магістра. Ён лічыўся прыхільнікам імператара і выступаў у якасці пасродніка ў канфлікце паміж папам Інакенціем IV і самім імператарам, з-за чаго ўтварылася апазіцыя паміж братоў ордэна.
Памёр 15 ліпеня 1249, пахаваны ў Мергензэйме.
Папярэднік: Герхард фон Мальберг |
Вялікі магістр 1244–1249 |
Пераемнік: Гюнтэр фон Вюлерслебен |