У Вікіпедыі ёсць артыкулы пра іншых асоб з прозвішчам Брунінг. Ге́нрых Бру́нінг (ням.: Heinrich Brüning; 26 лістапада 1885—30 сакавіка 1970) — германскі палітычны дзеяч, рэйхсканцлер і міністр замежных спраў падчас Веймарскай рэспублікі.
Выкарыстоўваючы цесныя сувязі з Ватыканам, шукаў збліжэння з каталіцкімі коламі Францыі, а таксама з кансерватыўнымі кругамі ЗША і Вялікабрытаніі. Запалохваючы заходнія дзяржавы тым, што ва ўмовах вострага эканамічнага крызісу на Германію насоўваецца «бальшавіцкая небяспека», дамогся шэрагу саступак.
У ліпені 1930 была эвакуіравана Рэйнская зона; у 1931 Германія атрымала на год адтэрміноўку рэпарацыйных плацяжоў, якія яна павінна была выплачваць па выніках Першай сусветнай вайны. 9 студзеня 1932 Брунінг заявіў, што Германія наогул не ў стане плаціць па рэпарацыях.