У Вікіпедыі ёсць артыкулы пра іншых асоб з прозвішчам Ратнікаў. Генадзь Васілевіч Ра́тнікаў (15 студзеня 1935, г. Ветка, Гомельская вобласць) — беларускі мастацтвазнавец. Кандыдат мастацтвазнаўства (1968).
Скончыў у 1958 годзе Мінскі педагагічны інстытут, у 1969—1972 гадах выкладаў у ім. У 1961—1969 і з 1975 у Інстытуце мастацтвазнаўства, этнаграфіі і фальклору Нацыянальнай АН Беларусі, з 1977 года адначасова выкладае ў Беларускай акадэміі мастацтваў.
Член Беларускага саюза літаратурна-мастацкіх крытыкаў з 1997 года, член Беларускага саюза кінематаграфістаў з 1976 года.
Даследуе гісторыю беларускага сучаснага кіно, эстэтыку мастацкага вобраза і псіхалогію кінатворчасці. Аўтар сцэнарыяў дакументальных фільмаў «Жыццё на сцэне» (1964, з У. Няфёдам), «Абавязак памяці» (1983).