Гатардскі базісны тунэль (ням.: Gotthard-Basistunnel, GBT, італ.: Galleria di base del San Gottardo) — чыгуначны тунэль у Швейцарыі даўжынёй 57,1 км (уключаючы службовыя і пешаходныя хады — 153,4 км[1]). Паўночны партал тунэля знаходзіцца каля вёскі Эрстфельд, а паўднёвы партал — каля вёскі Бодыё. Пасля завяршэння пракладкі ўсходняй часткі (15 кастрычніка 2010 года) і заходняй часткі (23 сакавіка 2011 года) ён стаў самым доўгім чыгуначным тунэлем у свеце[2]. Тунэль будзе забяспечваць чыгуначнае паведамленне праз Альпы і перавядзе грузавыя перавозкі поўнач-захад з аўтамабільных на больш экалагічныя чыгуначныя. Час паездкі з Цюрыха ў Мілан зменшыцца з 3 гадзін 40 хвілін да 2 гадзін 50 хвілін. У снежні 2016 года AlpTransit Gotthard Ltd павінна перадаць тунэль Федэральным чыгункам Швейцарыі (SBB) у працоўным стане[3]. Тунэль быў адкрыты 1 чэрвеня 2016 года[4].