wd wp Пошук: ⬜

Ганна Мікалаеўна Кісліцына

Ганна Мікалаеўна Кісліцына (нар. 8 верасня 1967, Драгічын, Брэсцкая вобласць, БССР) — беларускі літаратурны крытык, літаратуразнаўца, публіцыст. Доктар філалагічных навук (2016).

Біяграфія

Яе бацькі — доктар філалагічных навук Міхась Тычына і літаратурны крытык Ала Кабаковіч [2].

Скончыла Беларускі філіял філалагічнага факультэта Беларускага дзяржаўнага ўніверсітэта, аспірантуру Інстытута літаратуры Нацыянальнай акадэміі навук Беларусі. Пасля вучобы выкладала ў Беларускім гуманітарным ліцэі імя Якуба Коласа.

Старшы навуковы супрацоўнік аддзела тэорыі і гісторыі літаратуры Інстытута мовы і літаратуры імя Якуба Коласа і Янкі Купалы НАНБ Нацыянальнай акадэміі навук Беларусі.

Аўтар манаграфій па гісторыі літаратуры. Вядзе калонку ў газеце «Звязда»[3] і калонку на сайце «Новая Еўропа»[4]. З 2018 года вядзе рубрыку на TUT.BY з літаратурнымі і крытычнымі артыкуламі[5].

Узнагароды

2004 — лаўрэат літаратурнай прэміі «Залатая літара» за зборнік «12+1» (сумесна з А. Івашчанкам, А.Хадановічам).
2007 — лаўрэат прэміі Зоры Кіпель (2007) за даследаванні ў галіне беларусазнаўства.

Бібліяграфія

«Алесь Разанаў: праблема мастацкай свядомасці» (1997);
«Лірычная мініяцюра як жанр беларускай літаратуры» (2000);
«blonde attack» (2006);
«Новая літаратурная сітуацыя: змена культурнай парадыгмы» (2006);
«Чалавек постмадэрну ў сучаснай беларускай літаратуры» (2010).
Культурны градыент: ідэі, маніфесты, кірункі беларускай літаратуры на мяжы ХХ ― ХХІ стагоддзяў. — Мн.: Права і эканоміка, 2015.

Зноскі

1 2 (unspecified title) Праверана 24 снежня 2021.
↑ Кислицына, Анна Николаевна (доктор филологических наук ; род. 1967)(нявызн.). Нацыянальная бібліятэка Беларусі. Праверана 12 жніўня 2019.(недаступная спасылка)
↑ Ганна Кісліцына(нявызн.). Звязда. Праверана 12 жніўня 2019.
↑ Ганна Кісліцына(нявызн.) (недаступная спасылка). Новая Эўропа. Архівавана з першакрыніцы 12 жніўня 2019. Праверана 12 жніўня 2019.
↑ Авторские новости: Анна Кислицына(руск.) (недаступная спасылка). TUT.BY. Архівавана з першакрыніцы 12 жніўня 2019. Праверана 12 жніўня 2019.

Літаратура

Аляшкевіч М. Ганна Кісліцына ў плыні сучаснай беларускай літаратуры… // «Маладосць» № 3(640), 2007. — С. 98-102.

Спасылкі

Афіцыйны блог annahonda — Ганна Мікалаеўна Кісліцына у Жывым Журнале
Зоры не спяць: Ганна Кісліцына і літаратурная крытыка // Белсат