Гамбургскі тэхнічны ўніверсітэт (ням.: Technische Universität Hamburg) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Гамбург.
Гэта адзін з самых маладых тэхнічных універсітэтаў у Германіі. Ён быў заснаваны ў 1978 годзе і размешчаны ў раёне Харбург у Гамбургу.
Крыху менш за 100 прафесараў выкладаюць для амаль 8 000 студэнтаў на 42 праграмах бакалаўрыяту і магістратуры. Прэзідэнтам універсітэта з’яўляецца Андрэас Цім-Гіль, віцэ-прэзідэнтамі з’яўляюцца Ірына Смірнова (навука) і Керсцін Кухта (навучанне).
Універсітэт адрозніваецца перш за ўсё сваёй незвычайнай структурай, паколькі ў ім няма падзелу на факультэты, а ёсць разбіўка па напрамках даследаванняў, што дазваляе больш цесна супрацоўнічаць паміж рознымі структурнымі адзінкамі.